Bunta'g gabii gisakripisyo alang sa anak
Kakapoy ug reklamo ako wala makadungog
Sa pag-atiman ug paghigugma ako pirmi busog
Sa panahon sa kalisdanan
Anaa kanunay sa kiliran
Sa tanan nakong' buluhaton
Ikaw magbinantayon
Ang suga sa atong payag
Gugma nimo among kahayag
Sa adlaw-adlaw nakong' pagpaningkamot
Imong kalipay akong gustong makab-ot
Kon ako magmalampuson
Ikaw ang una kong hunahunaon
Kining tanan ihalad ko kanimo
Ang inspirasyon sa akong mga damgo
Salamat sa amoma mo'g pagpangga
Sukad pa miadtong akong pagkabata
Hinigugmang Inahan, sa akong dughan
Ikaw ang Rayna sa tanan.
No comments:
Post a Comment